वीतराग नाम सुमर | Veetraag Naam Sumar

वीतराग नाम सुमर

वीतराग नाम सुमर, वीतराग नाम

भजन बिना किये यार, होगा बदनाम॥वीतराग.॥

जाको करै धूमधाम, सो तो धूमधाम।

पातशाह होय चुके, सर्यो कौन काम॥वीतराग.॥१॥

बातैं परवीन करै, काम करै खाम।

काल सिंह आवत है, पकर एक ठाम॥वीतराग.॥२॥

आठ जाम लागि रह्यौ, चाम निरख दाम।

`द्यानत’ कबहूँ न भूल, साहिब अभिराम॥वीतराग.॥३॥


Artist: पं. द्यानतराय जी
स्रोत: jainkosh.org

खोज: Veetraag Naam Sumar, Vitrag Nam Sumar