वे कोई निपट अनारी, देख्या आतमराम
वे कोई निपट अनारी, देख्या आतमराम
जिनसों मिलना फेरि बिछुरना, तिनसों कैसी यारी।
जिन कामोंमें दुख पावै है, तिनसों प्रीति करारी॥वे.॥१॥
बाहिर चतुर मूढ़ता घरमें, लाज सबै परिहारी।
ठगसों नेह वैर साधुनिसों, ये बातें विसतारी॥वे.॥२॥
सिंह दाढ़ भीतर सुख मानै, अक्कल सबै बिसारी।
जा तरु आग लगी चारौं दिश, वैठि रह्यो तिहँ डारी॥वे.॥३॥
हाड़ मांस लोहूकी थैली, तामें चेतनधारी।
‘द्यानत’ तीनलोकको ठाकुर, क्यों हो रह्यो भिखारी॥वे.॥४॥
Artist: पं. द्यानतराय जी
स्रोत: आध्यात्मिक भजन संग्रह (सं. श्री सौभाग्यमल जैन, पं. टोडरमल स्मारक ट्रस्ट, जयपुर, २००६), भजन ६३
खोज: Ve Koi Nipat Anari, Dekhya Atamram