तुमको कैसे सुख ह्वै मीत
तुमको कैसे सुख ह्वै मीत! …
जिन विषयनि सँग बहु दुख पायो, तिनहीसों अति प्रीति॥तुमको.॥
उद्यमवान बाग चलनेको, तीरथसों भयभीत।
धरम कथा कथनेको मूरख, चतुर मृषा-रस-रीत॥तुमको.॥१॥
नाट विलोकनमें बहु समझौ, रंच न दरस-प्रतीत।
परमागम सुन ऊंघन लागौ, जागौ विकथा गीत॥तुमको.॥२॥
खान पान सुनके मन हरषै, संजम सुन ह्वै ईत।
‘द्यानत’ तापर चाहत हौगे, शिवपद सुखित निचीत॥तुमको.॥३॥
Artist: पं. द्यानतराय जी
स्रोत: आध्यात्मिक भजन संग्रह (सं. श्री सौभाग्यमल जैन, पं. टोडरमल स्मारक ट्रस्ट, जयपुर, २००६), भजन २७
खोज: Tumko Kaise Sukh Hvai Mit