सुनि सुनि हे साथनि! म्हारे मनकी बात
सुनि सुनि हे साथनि! म्हारे मनकी बात।
सुरति सखीसों सुमति राणी यों-कहै जी॥
वीत्यो है साथनि म्हारी! दीरघकाल,
म्हारो सनेही म्हारे घर ना रहै जी॥
ना बरज्यो रहै साथनि म्हारी चेतनराव,
कारज अधम अचेतनके करै जी।
दुरमति है साथनि म्हारी जात कुजात,
सोई चिदातम पियको चित्त हरै जी॥१॥
सिखयौ है साथनि म्हारी केती बार,
क्यों ही कियो हठी हठ एरी हरै जी।
कीजे हो साथनि म्हारी कौन उपाय,
अब यह विरह विथा नहिं सही परै जी॥२॥
चलि चलि री साथनि म्हारी,
जिनजीके पास, वे उपगारी इसैं समझावसी जी।
जगसी हे सखी म्हारे मस्तक भाग,
जो म्हारौ कंथ समझि घर आवसी जी॥३॥
कारज हे सखी म्हारी! सिद्ध न होय,
जब लग काल-लबधिबल नहिं भलो जी।
तो पण हे सखी म्हारी उद्यम जोग,
सीख सयानी ‘भूधर’ मन सांभलो जी॥४॥
Artist: पं. श्री भूधरदास जी
स्रोत: भूधर भजन सौरभ, पृष्ठ ११२ से ११३
मूल पृष्ठ (छवि):