सोई ज्ञान सुधारस पीवै
सोई ज्ञान सुधारस पीवै॥टेक॥
जीवन दशा मृतक करि जाने, मृतक दशा में जीवै॥
सैनदशा जाग्रत करि जानै, जागत नाहीं सोवै।
मीतौं को दुशमन करि जाने, रिपु को प्रीतम जोवै॥
सोई ज्ञान सुधारस पीवै॥१॥
भोजनमाहिं वरत करि बूझै, व्रत में होत अहारी।
कपड़े पहिरै नगन कहावै, नागा अंबरधारी॥
सोई ज्ञान सुधारस पीवै॥२॥
बस्ती को ऊजर कर देखै, ऊजर बस्ती सारी।
‘द्यानत’ उलट चाल में सुलटा, चेतन-जोति निहारी॥
सोई ज्ञान सुधारस पीवै॥३॥
Artist: पं. द्यानतराय जी
स्रोत: nikkyjain.github.io (पं द्यानतराय कृत भजन)
खोज: Soi Gyan Sudharas Peevai, Soi Gyan Sudharas Pivai