सिद्धान्विशुद्धान्वसुकर्ममुक्ता त्रैलोक्यशीर्षस्थितचिद्विलासान्
संस्थापये भावविशुद्धिदातृन् सन्मंगलं प्राज्यसमृद्धयेऽहम्॥१॥
ॐ ह्रीं वसुकर्म रहित सिद्धेभ्यः पुष्पांजलि क्षिपामि।
ॐ ह्रीं दर्पमथनाय नमः, जलम्॥
ॐ ह्रीं शीलगंधाय नमः, चंदनम्॥
ॐ ह्रीं अक्षताय नमः, अक्षतान्॥
ॐ ह्रीं विमलाय नमः, पुष्पम्॥
ॐ ह्रीं परमासेद्धाय नमः, नैवेद्यम्॥
ॐ ह्रीं ज्ञानोद्योताय नमः, दीपम्॥
ॐ ह्रीं श्रुतधूपाय नमः, धूपम्॥
ॐ ह्रीं अभीष्टफलदाय नमः, फलम्॥
(वंशस्थ)
अष्टकर्म गणनाशकारकान्, कष्टकुंडलिसुदष्टगारुडान्।
स्पष्टज्ञानरिमीत विष्टपान्, अर्घ्यतोऽघनाशनाय पूजये॥
ॐ ह्री श्री वसुकर्म रहितेभ्य सिद्धभ्योऽर्घ्यम्।
द्वाद्वशांगमखिलं श्रुतं हितं स्थाप्य पाणिपरिपीडनोत्सवे।
पूज्यते यदधिधर्मसंभवो द्वेधयैष जगतां प्रसीदति॥१॥
ॐ ह्रीं श्री द्वादशांगाश्रुताय अर्घ्यम्।
ऋद्धयो बलरसादि विक्रियौषध्यसंज्ञक महानसादिकाः।
तत्क्रमांबुरुहवासमासते, तान् गुरुनभिमहामि वार्मुखैः॥२॥
ॐ ह्रीं श्री महर्द्धिधारकपरमर्षिभ्योऽर्घ्यम्।
अष्टमंगलमिदं पदांबुजे, भासते शतसुमंगलौघदम्।
धर्मचक्रमभिपूजये वरं, कर्मचक्र-परिणाशनौद्यतम्॥३॥
ॐ ह्रीं धर्मचक्रायार्घ्यम्।
स्रोत: जैन विधि विधान (सं. पण्डित अभयकुमार जैन, अखिल भारतीय जैन युवा फैडरेशन), पृष्ठ ९१