शान्तिनाथ जिनस्तुति (विश्वसेन कुल कमलरवि अचिरा) (बनारसीदास) | Shantinath Jinastuti (Vishvasen Kul Kamalaravi Achira) (Banarasidas)

(दोहा)

विश्वसेन कुल कमलरवि, अचिरा उर अवतार,
धनुष सु चालिस कनक तन, वन्द हूँ शांति कुमार. 1

(त्रिभंगी छंद (10, 8, 6))

गजपुर अवतारं, शान्तुकुमारं, शिवदातारं, सुखकारं,
निरुपम आकारं, रुचिराचारं जगदाधारं, जितमारं;
कृत अरिसंसारं, महिमापारं, विगतविकारं, जगसारं,
पर हित संसारं, गुणविस्तारं, जगनिस्तारं, शिवधारं. 2

सकल सुरेश नरेश अरु किन्नरेश नागेश,
तिनिगण वन्दित चरण युग वन्द हूँ शान्ति जिनेश. 3

श्री शान्ति जिनेशं, जगत महेशं, विगत कलेशं, भद्रेशं,
भवि कमल दिनेशं, मतिमहिशेषं, मदन हरेशं, परमेशं. 4

जन कुमुदनिशेशं, रुचिरादेशं, धर्मधरेशं, चक्रेशं,
भवजलपोतेशं, महिमनगेशं, निरुपमवेशं, तीर्थेशं. 5

करत अमरनरमधुप जसु, वचन सुधारसपान,
वन्द हु शान्तिजिनेश्वर, वदन निशेश समान. 6

वररूप अमानं, अरितमभानं, निरुपमज्ञानं, गतमानं,
गुणनिकरस्थानं, मुक्तिवितानं, लोकनिदानं, सध्यानं;
भवतारनयानं, कृपानिधानं, जगतप्रधानं, मतिमानं,
प्रगटितकल्यानं, वरमहिमानं, शिवपददानं, मृदजानं. 7

भवसागर भयभीत बहु, भक्तलोक प्रतिपाल,
वन्द हूँ शान्ति जिनाधिपति कुगतिलता करवाल. 8

भंजित भवजालं, जितकलिकालं, कीर्तिविशालं जनपालं,
गति वर्जित मरालं, अरि कुलकालं, वचन रसालं, वरभालं;
मुनि जलजमृणालं, भवभयशालं, शिवउरमालं, सुकुमालं,
भवितरुषतमालं, त्रिभुवनपालं, नयनविशालं, गुणमालं. 8

(कविवर श्री बनारसीदास)


Artist: बनारसीदास
स्रोत: जिनेन्द्र स्तवनावली (सोनगढ़), पृष्ठ ९६