(बसंततिलका)
चिद्रूपभावमनवद्यमिमं त्वदीयं।
ध्यायंति ये सदुपधिव्यतिहार मुक्तं॥
नित्य निरंजनमनादिमनंतरूपं।
तेषां महांसि भुवनत्रितये लसंति॥१॥
ध्येयस्त्वमेव भवपंचतयप्रसार,
निर्णाशकारणविधौ निपुणत्त्वयोगात्॥
आत्मप्रकाशकृत लोकतदन्यभाव,
पर्यायविस्फुरणकृतपरमोऽसि योगी॥२॥
त्वन्नाममंत्रधन- मुद्धतजन्मजात।
दुःकर्मदावमभिशस्य शुभांकुराणि॥
ण्यापादयत्यतुल भक्तिसमृद्धिभांजि।
स्वामिन्नतोऽसि शुभदः शुभकृत्वमेव॥३॥
त्वत्पादतामरस कोषनिवासमास्ते।
चित्तद्विरेफसुकृति मम यावदीश॥
तावच्च संसृतिजकिल्विषतापशापः।
स्थानं मयि क्षणमपि प्रतियाति कच्चित्॥४॥
त्वन्नाममंत्रमनिशं रसनाग्रवर्ति,
यस्यास्ति मोहमदधूर्णन नाशहेतुः।
प्रत्याहराजिलगणोद् भवकालकूट,
भीतिहिं तस्य किमुसंनिधिमेति देव॥५॥
तस्मात्त्वमेव शरणं तरणं भवाब्धौ,
शांतिप्रदः सकलदोषनिवारणेन।
जागर्ति शुद्धमनसा स्मरतो यतो मे,
शांतिः स्वयं करतले रभसाभ्युपैति॥६॥
(द्रुतविलिम्बता)
जगति शांतिविवर्धनमंहसां, प्रलयमस्तु जिनस्तवनेन मे।
सुकुतबुद्धिरलं क्षमयायुतो, जिनवृषो हृदय मम वर्तताम्॥७॥
स्रोत: जैन विधि विधान (सं. पण्डित अभयकुमार जैन, अखिल भारतीय जैन युवा फैडरेशन), पृष्ठ ९८ से ९९