रुल्यो चिरकाल जगजाल चहुँगति विषैं | Rulyo Chirakaal Jagajaal Chahungati Vishain

रुल्यो चिरकाल जगजाल चहुँगति विषैं

रुल्यो चिरकाल, जगजाल चहुँगति विषैं,
आज जिनराज-तुम शरन आयो॥टेक॥

सह्यो दुख घोर, नहिं छोर आवै कहत,
तुमसौं कछु छिप्यो नहिं तुम बतायो॥1॥

तु ही संसारतारक नहीं दूसरो,
ऐसो मुह भेद न किन्हीं सुनायो॥2॥

सकल सुर असुर नरनाथ बंदत चरन,
नाभिनन्दन निपुन मुनिन ध्यायो॥
रुल्यो चिरकाल, जगजाल चहुँगति विषैं,
आज जिनराज-तुम शरन आयो॥3॥

तु ही अरहन्त भगवन्त गुणवन्त प्रभु,
खुले मुझ भाग अब दरश पायो॥4॥

सिद्ध हौं शुद्ध हौँ बुद्ध अविरुद्ध हौं,
ईश जगदीश बहु गुणनि गायो॥
रुल्यो चिरकाल, जगजाल चहुँगति विषैं,
आज जिनराज-तुम शरन आयो॥5॥

सर्व चिन्ता गई बुद्धि निर्मल भई,
जब हि चित जुगलचरननि लगायो॥६॥

भयो निहचिन्त ‘द्यानत’ चरन शर्न गहि,
तार अब नाथ तेरो कहायो॥
रुल्यो चिरकाल, जगजाल चहुँगति विषैं,
आज जिनराज-तुम शरन आयो॥7॥


Artist: पं. द्यानतराय जी
स्रोत: nikkyjain.github.io (पं द्यानतराय कृत भजन)

खोज: Rulyo Chirakaal Jagajaal Chahungati Vishain, Rulyo Chirakal Jagajal Chahungati Vishain