प्रभुजी प्रभू सुपास
प्रभुजी प्रभू सुपास! जगवासतें दास निकास॥टेक॥
इंदके स्वाम फनिंद के स्वाम, नरिंद के चन्द के स्वाम।
तुमको छांड़के, किसपै जावैं, कौनका ढूंढ़ें धाम॥1॥
भूप सोई दुःख दूर करै है, साह सोई दै दान।
वैद सोई सब रोग मिटावै, तुमी सबै गुनवान॥2॥
चोर अंजन से तार लिये हैं, जार कीचक से राव।
हम तो सेवक सेव करै हैं, नाम जपैं मन चाव॥3॥
तुम समान हुए न होंगे, देव त्रिलोक मँझार।
तुम दयाल देवों के देव हो, ‘द्यानत’ को सुखकार॥4॥
Artist: पं. द्यानतराय जी
स्रोत: nikkyjain.github.io (पं द्यानतराय कृत भजन)
खोज: Prabhuji Prabhu Supas