ओ जी थे झूठ वचन मत बोलो
ओ जी थे झूठ वचन मत बोलो,
ओ जी थे साँच जवाहर खोलो।
ओ जी थे झूठ झूठ सम जानो,
कोई आगम वचन प्रमाणो जी॥ओ जी…१॥
ओ जी थे नरका में जब जावो,
कोई नाना त्रास तो पावो जी॥ओ जी…२॥
ओ जी कोई चौरासी में भ्रमयो,
कोई नरतन पाय अमोलोजी॥ओ जी…३॥
ओ जी थे हँसी ठिठोली नही करज्यो,
कोई मिथ्या वचन न बकियो जी॥ओ जी…४॥
ओजी थे हिंसा वचन मत कहिज्यो,
कोई मरम भेद नही कहिये जी॥ओ जी…५॥
ओ जी थे भरम वचन मत पालो,
कोई परिग्रह संख्या रखियो जी॥ओ जी…६॥
ओ जी थे अतिचार मत करना,
कोई नियम पाल भव तरना जी॥ओ जी…७॥
स्रोत: nikkyjain.github.io (दस धर्म भजन)
खोज: O Ji The Jhooth Vachan Mat Bolo, O Ji The Jhuth Vachan Mat Bolo