चिदानंद भूलि रह्यो सुधिसारी
(राग उझाज जोगीरासा)
चिदानंद भूलि रह्यो सुधिसारी, तू तो करत फिरै म्हारी म्हारी॥टेर॥
मोह उदय तैं सबही तिहारी जनक मात सुत नारी।
मोह दूरि कर नेत्र उघारो, इन में कोई न तिहारी॥१॥
झाग समान जीवना जोवन परवत नाला कारी।
धनपति रंक समान सबन को जात न लागे वारी॥२॥
जुवां मांस मधु अरु वेश्या, हिंसा चौरी जारी।
सप्त व्यसन में रत्त होय के निजकुल कीन्ही कारी॥३॥
पुन्य पाप दोउ लार चलत हैं यह निश्चय उरधारी।
धर्म द्रव्य तोय स्वर्ग पठावै पाप नरक में डारी॥४॥
आतम रूप निहार भजो जिन धर्म मुक्ति सुखकारी।
बुधमहाचंद जानि यह निश्चय, जिनवर नाम सम्हारी॥५॥
स्रोत: आध्यात्मिक भजन संग्रह (सं. श्री सौभाग्यमल जैन, पं. टोडरमल स्मारक ट्रस्ट, जयपुर, २००६), भजन १४ (विभिन्न कवियों के भजन)