भ्रम्योजी भ्रम्यो, संसार महावन
भ्रम्योजी भ्रम्यो, संसार महावन, सुख सो रमन्त
पुद्गल जीव एक करि जान्यो, भेद-ज्ञान न सुहायोजी॥भ्रम्यो. ॥
मनवचकाय जीव संहारे, झूठो वचन बनायो जी।
चोरी करके हरष बढ़ायो, विषयभोग गरवायो जी ॥भ्रम्यो. ॥१॥
नरकमाहिं छेदन भेदन बहु, साधारण वसि आयो जी।
गरभ जनम नरभव दुख देखे, देव मरत बिललायो जी॥भ्रम्यो.॥२॥
‘द्यानत’ अब जिनवचन सुनै मैं, भव मल पाप बहायो जी।
आदिनाथ अरहन्त आदि गुरु, चरनकमल चित लायो जी॥भम्यो. ॥३॥
Artist: पं. द्यानतराय जी
स्रोत: आध्यात्मिक भजन संग्रह (सं. श्री सौभाग्यमल जैन, पं. टोडरमल स्मारक ट्रस्ट, जयपुर, २००६), भजन ३९