अरे हाँ रे तैं तो सुधरी बहुत बिगारी
(राग गौड़ी ताल)
अरे हाँ रे तैं तो सुधरी बहुत बिगारी॥अरे.॥टेक॥
ये गति मुक्ति महलकी पौरी, पाय रहत क्यौं पिछारी॥१॥अरे.॥
परकौं जानि मानि अपनो पद, तजि ममता दुखकारी।
श्रावक कुल भवदधि तट आयो, बूड़त क्यौरे अनारी॥२॥अरे.॥
अबहूँ चेत गयो कुछ नाहीं, राखि आपनी बारी।
शक्ति समान त्याग तप करिये, तब बुधजन सिरदारी॥३॥अरे.॥
Artist: पं. बुधजन जी
स्रोत: आध्यात्मिक भजन संग्रह (सं. श्री सौभाग्यमल जैन, पं. टोडरमल स्मारक ट्रस्ट, जयपुर, २००६), भजन ६
खोज: Are Han Re Tain To Sudhari Bahut Bigari