अहो बनवासी पिया तुम क्यों छारी अरज करै राजुल नारी
अहो बनवासी पिया तुम क्यों छारी अरज करै राजुल नारी।
तुम तो परम दयाल सबन के, सबहिन के हितकारी॥अरज.॥
मो कठिन क्यों भये सजना, कहीये चूक हमारी।
तुम बिन एक पलक पिया, मेरे जाय पहर सम भारी॥
क्यों करि निस दिन भर नेमजी, तुम तौ ममता डारी॥१॥ अरज.॥
जैसे रैनि वियोगज चकई तौ बिलपै निस सारी।
आसि बांधि अपनी जिय राखै प्रात मिलयो या प्यारी॥
मैं निरास निरधार निरमोही जिउ किम दुख्यारी॥२॥ अरज.॥
अब ही भोग जोग हौ बालम देखौ चित्त विचारी।
आगै रिषभ देव भी ब्याही कच्छ-सुकच्छ कुमारी॥
सोही पंथ गहो पीया पाछै हो ज्यो संजम धारो॥३॥ अरज.॥
जैसे बिरहै नदी मैं व्याकुल उग्रसैन की बारी।
धनि धनि समदबिजै के नंदन बूढत पार उतारी॥
सो ही किरपा करौ हम उपरि ‘भूधर’ सरण तिहारी॥४॥ अरज.॥
Artist: पं. श्री भूधरदास जी
स्रोत: भूधर भजन सौरभ, पृष्ठ १७ से १८
मूल पृष्ठ (छवि):