अज्ञानीजन! समझत क्यों नहिं वानी।
स्याद्वाद अंकित सुखदाय, भाखी केवलज्ञानी॥टेक॥
जास लखैं निरमल पद पावै, कुमति कुगति की हानी।
उदय भया जिहमें परगासी, तिहि जाना सरधानी॥१॥
जामें देव धरम गुरु वरनें, तीनौं मुकति निसानी।
निश्चय देव धरम गुरु आतम, जानत विरला प्रानी॥२॥
या जगमाहिं तुझे तारन को, कारन नाव बखानी।
‘द्यानत’ सो गहिये निहचै सैं, हूजे ज्यों शिवथानी॥३॥
Artist- पं. द्यानतराय जी
खोज: Agyanijan samjht kyon nahi vani