अब घर आये चेतनराय, सजनी खेलौंगी मैं होरी
अब घर आये चेतनराय, सजनी खेलौंगी मैं होरी॥ अब.॥टेक॥
आरस सोच कानि कुल हारी
धरि धीरज बरजोरी॥१॥ सजनी.॥
बुरी कुमति बात न बूझै, चितवत है मोओरी।
वा गुरुजनक बलि बलि जाऊँ, दूरि करी मति भोरी॥२॥ सजनी.॥
निज सुभाव जल हौज भराऊँ, घोरूँ निजरङ्ग रोरी।
निज ल्यौं ल्याय शुद्ध पिचकारी, छिरकन निज मति दोरी॥३॥ सजनी.॥
गाय रिझाय आप वश करिकै, जावन द्यौं नहि पोरी।
बुधजन रचि मचि रहूँ निरंतर, शक्ति अपूरब मोरी॥४॥ सजनी.॥
Artist: पं. बुधजन जी
स्रोत: आध्यात्मिक भजन संग्रह (सं. श्री सौभाग्यमल जैन, पं. टोडरमल स्मारक ट्रस्ट, जयपुर, २००६), भजन २३
खोज: Ab Ghar Aye Chetanrai, Sajani Khelaungi Main Hori