आतमरूप अनूपम है | aatam rup anupam hai

आतमरूप अनूपम है, घटमाहिं विराजै हो
जाके सुमरन जापसों, भव भव दुख भाजै हो।।आतम. ।।

केवल दरसन ज्ञानमैं, थिरतापद छाजै हो ।
उपमाको तिहुँ लोकमें, कोऊ वस्तु न राजै हो ।।आतम. ।।१ ।।

सहै परीषह भार जो, जु महाव्रत साजै हो ।
ज्ञान बिना शिव ना लहै, बहुकर्म उपाजै हो ।।आतम. ।।२ ।।

तिहूँ लोक तिहुँ कालमें, नहिं और इलाजै हो ।
`द्यानत’ ताकों जानिये, निज स्वारथकाजै हो ।।आतम. ।।३ ।।

Artist - श्री द्यानतराय जी

2 Likes