(भ० चन्द्रकीर्ति कृत)
( राग:-भक्तामर स्तोत्र की )
श्री मत्सुरेन्द्र मुकुटामल रत्न रोचि, पीयूष पूर परि पूजित पाद पद्म॥
श्री कैरवान्वय नभस्तल पूर्ण चन्द्रः श्री शांतिनाथ जिनपं भुवनैर्महामि। जलम्॥
अष्टादशाङ्ग निधि पूरित सब कामं, सप्तर्द्धि कामर सुरञ्जित रत्न नाथं।
श्री विश्वसेन तनुजं मनुजेन्द्र सेव्यं संचर्चयामि हरिचंदन केशराद्यैः। चन्दनं॥
षट् खंड भूप परि संस्तुत पाद पीठं, देवेन्द्र दिव्य रमणी परिगीत कीर्तिः।
संप्राप्त सर्व नयनोत्सव कारी रूपं, शांतीश्वरं परिचरे कमलावताद्यैः। अक्षतम्॥
प्रस्वेद बिन्दु परिवर्जित दिव्य देहं, निर्वेद भाव पिलीकृत मोह गेहं।
दुर्वार पंचशर कुंजर कुंजराग्नि, संपूजयामि कुसुमैर्जिन शांतिनाथं॥ पुष्पम्॥
छत्रत्रयोत्तम विभूति विराजमानं, देवांगना ललित सुस्वर गीयमानं।
सच्चामरालि परिवेष्ठित युग्म पत्रं, शांतीशमीश मुनयं चरुभिर्यजेहम्। चरुं॥
यज्जन्म काल समुपागत देवराज, निर्मापितस्त्रिदश मेरु महाभिषेकः।
दुग्धाब्धि वारि निवहैः परमोत्सवेन दीपैर्यजामि भगवन्तममेशशांतिं। दीपं॥
दुष्टाष्ट कर्म गिरि भंजन वज्र तीर्थं, मिथ्यान्धकार पट्लोज्वल बालसूर्य।
गंभीर दिव्य नन्दामृत पुष्ट भव्यां शांतिजिनेन्द्र मवलं परिधूपयामि। धूपम्।
श्री हस्तिनागपुर संभव नाथ मीशं, निर्वाण धामगत रूप मनंत रूपं।
श्री नारिकेल वर दाडिम मातु लिंगैरेरोशरीरजमलं परिशूजयामि। फलम्।
काष्ठा संघ मुनीन्द्र वर्य विबुधैः श्री भूषणैः संस्तुतः।
संसृत्यार्णवपार लब्धि शरणैः श्री कर्ण धारोमितो।
अम्भश्चन्दन पुष्पतेदुल हविः स्नेहप्रियाद्यर्पितो।
भूषान्मोचफलायते जिनवरश् श्री चन्द्र कीर्तीश्वरम्।
( ❀ जयमाला ❀ )
विराग विभाग विरोग वभोग, विकार विरेक जिनेन्द्र वियोग।
प्रसीद सनातन शांति जिनेन्द्र, स्वपाद सरोरुह भव्य शतेन्द्र॥१॥
विषाद विनाट विपाद विराम, विजंत्र विमंत्र वितंत्र विकाम। प्रसीद०॥२॥
विशोष वितोष विमोष विषोष, विदोष विशोध विरोध विदोप॥ प्रसीद०॥३॥
विगन्ध विबंध विशब्द विरूप, विगेह विदेह विमोह विरूप॥ प्रसीद०॥४॥
विवर्ण विकर्ण विचित्त विचित्त, विरेख विलेख विमेष विचित प्रसीद०॥५॥
विमाय विकाय विदंभ विलोभ। वितर्प विसर्प विदर्भ विशोभ। प्रसीद०॥
विसाध्य विराध्य विबाध्य विशुद्ध विशोक विलोक, वितंद्र विबुद्ध॥ प्रसीद०।
विबाल विनाल विकाल विमाल, विशाल विभाल विंजाल विताल,॥ प्रसीद०॥
श्री संघ मांगल्य विधान पूर्ति, विशालयक्षस्थल दिव्य मूर्तिः
श्री शांतिनाथो चित चंद्रकीर्तिः, ददातुयः सर्व सुखाप्तमूर्तिः॥ अर्घं॥
कल्याणं विजयं भद्रं चिन्तितार्थं मनोरथाः
शांतिनाथ प्रसादेन, सर्वे अर्थाः भवन्तु नः॥॥ ईत्याशिर्वादः॥
स्रोत: श्री प्राचीन पूजन संग्रह, पृष्ठ ५८ (श्री प्राचीन पूजन संग्रह | Shri Prachin Pujan Sangrah)