(उपजाति)
अनादिसन्तानभवान् जिनेन्द्रान् अर्हत्पदेष्टानुपदिष्टधर्मान्।
द्वेधाश्रियालिंगितपादपद्मान् यजामि भक्त्या प्रकृतिप्रसक्त्यै॥१॥
ॐ ह्रीं अनन्तचतुष्टयसमवसरणलक्ष्मीं विभ्रतेऽर्हत्परमेष्ठिनेऽर्घ्यं।
कर्माष्टनाशाच्युतभावकर्मोद्धतीन् निजात्मस्वविलासभूपान्।
सिद्धानन्तांस्त्रिक्कालमध्ये गीतान् यजामीष्टविधिप्रसक्त्यै॥२॥
ॐ ह्रीं अष्टकर्मकाष्ठगणं भस्मीकुर्वते सिद्धपरमेष्ठिनेऽर्घ्यं निर्वपामीति स्वाहा।
ये पंचधाचारपरायणानाम् अग्रे सरादक्षिणशिक्षिकासु।
प्रमाणनिर्णीतपदार्थसार्थानाचार्यवर्यान् परिपूजयामि॥३॥
ॐ ह्रीं पंचाचारपरायणाचार्यपरमेष्ठिनेऽर्घ्यं निर्वपामीति स्वाहा।
अर्थश्रुतं सत्यविबोधनेन द्रव्यश्रुतं ग्रन्थविदर्भणेन।
येऽध्यापयन्ति प्रवरानुभावास्तेऽध्यापका मे ईणया दुहन्तु॥४॥
ॐ ह्रीं द्वादशांगपठनपाठनोद्यतोपाध्यायपरमेष्ठिनेऽर्घ्यं निर्वपामीति स्वाहा।
द्विधा तपोभावनया प्रवीणान् स्वकर्मभूवीघ्रविखण्डनेषु।
विविक्तशय्यासनहर्म्यपीठ स्थितान् तपस्विप्रवरान् यजामि॥५॥
ॐ ह्रीं त्रयोदशप्रकारचारित्राराधकसाधुपरमेष्ठिनेऽर्घ्यं निर्वपामीति स्वाहा।
(आर्या)
अर्हन्मंगलमर्चे सुरनर- विद्याधरैकपूज्यपदम्।
तोयप्रभृतिभिरर्घ्यै-र्विनीतमूर्धा शिवाप्तये नित्यम्॥६॥
ॐ ह्रीं अर्हन्मंगलायार्घ्यं…।
ध्रौव्योत्पादविनाश रूपाखिलवस्तुबोधनार्थकरम्।
सिद्धं मंगलमिति वा मत्वाच चाष्टविधवस्तुभिः॥७॥
ॐ ह्रीं सिद्धमंगलायार्घ्यं…।
यद्दर्शनकृतविभवाद् रोगोपद्रवगणा मृग इव मृगेन्द्रात्।
दूरं भजन्ति देशं साधुभ्योऽर्च्यते विधिना॥८॥
ॐ ह्रीं साधुमंगलायार्घ्यं…।
केवलिमुखावगतया वाण्या निर्दिष्टभेदधर्मगणम्।
मत्वा भवसिन्धुतरीं प्रयजे तन्मंगलं शुद्ध्यै॥९॥
ॐ ह्रीं केवलिप्रज्ञप्तधर्ममंगलायार्घ्यं…।
लोकोत्तममथ जिनराट् पदाब्जसेवनयामितदोषविलयाय।
शक्तं मत्वा घृतजलगन्धैरर्चे समीहितं प्रभवैः॥१०॥
ॐ ह्रीं अर्हल्लोकोत्तमायार्घ्यं…।
सिद्धाश्च्युतदोषमला लोकाग्र प्राप्य शिवसुखं व्रजिताः।
उत्तमपथगा लोके तानच वसुविधार्चनया॥११॥
ॐ ह्रीं सिद्धलोकोत्तमायार्घ्यं…।
इन्द्रनरेन्द्रसुरेन्द्रैरर्थिततपसां व्रतैषिणां सुधियाम्।
उत्तममध्वानम-सावर्चेऽहं सलिलगन्धमुखैः॥१२॥
ॐ ह्रीं साधुलोकोत्तमायार्घ्यं…।
रागपिशाचविमर्दनमत्र भव धैर्यधारिणामतुलम्।
उत्तममपगतकामो वृषमर्चे शुचितर कुसुमैः॥१३॥
ॐ ह्रीं केवलिप्रज्ञप्तधर्मोत्तमायार्घ्यं…।
अर्हच्छरणमथार्चेनन्तजनुष्यपि न जातु सम्प्राप्तम्।
नर्तनगानादिविधि- मुद्दिश्याष्टकर्मणां शान्त्यै॥१४॥
ॐ ह्रीं अर्हच्छरणायार्घ्यं…।
निर्व्याबाधगुणादिकप्रागयं शरणं समेतचिदमनन्तम्।
सिद्धानाममृतानां भूत्यै पूजेयमशुभहान्यर्थम्॥१५॥
ॐ ह्रीं सिद्धशरणायार्घ्यं…।
चिदचिद्भेदं शरणंलौकिकमाप्यं प्रयोजनातीतम्।
त्यक्त्वा साधुजनानां शरणं भूत्यै यजामि परमार्थम्॥१६॥
ॐ ह्रीं साधुशरणायार्घ्यं…।
केवलिनाथ मुखोद्गतधर्मः प्राणिसुखहितार्थमुद्दिष्टः।
तत्प्राप्त्यै तद्यजनं कुर्वे मखविघ्ननाशाय॥१७॥
ॐ ह्रीं केवलिप्रज्ञप्तधर्मशरणायार्घ्यं…।
(वसन्ततिलका)
संसारदुःखहनने निपुणं जनानां नाद्यकन्तचकमिति सप्तदशप्रमाणम्।
संपूजये विविधभक्तिभरावनम्रः शान्तिप्रदं भुवनमुख्यपदार्थसार्थैः॥१८॥
ॐ ह्रीं अर्हदादिसप्तदशमन्त्रेभ्यः समुदायार्घ्यं निर्वपामीति स्वाहा।
स्रोत: जैन विधि विधान (सं. पण्डित अभयकुमार जैन, अखिल भारतीय जैन युवा फैडरेशन), पृष्ठ ३५ से ३७