हमको कछु भय ना रे, जान लियौ संसार॥टेक॥
जो निगोद में सो ही मुझमें, सो ही मोक्ष मँझार।
निश्चय भेद कछू भी नाहीं, भेद गिनैं संसार॥1॥हमको…॥
परवश ह्वै आपा विसारिके, राग दोषकौं धार।
जीवत मरत अनादि कालतें, यौंही है उरझार॥2॥हमको…॥
जाकरि जैसैं जाहि समय में, जो होवत जा द्वार।
सो बनि है टरि है कछु नाहीं, करि लीनौं निरधार॥3॥हमको…॥
अग्नि जरावै पानी बोवै, बिछुरत मिलत अपार।
सो पुद्गल रूपी मैं ‘बुधजन’, सबकौ जाननहार॥4॥हमको…॥
Artist : श्री बुधजन जी
स्रोत: मङ्गल भक्ति सुमन (२०२४), पृष्ठ १६८ से १६९