गुरु समान दाता नहिं कोई |
भानु प्रकाश न नाशत जाको, सो अंधियारा डारै खोई || टेक ||
मेघ समान सबन पै बरसै, कछु इच्छा जाके नहिं होई |
नरक पशू गति आग माहिं तैं, सुरग मुकत सुख थापै सोई || १ ||
तीन लोक मन्दिर में जानौ, दीपकसम परकाशक लोई |
दीप तलैं अंधियार भरयो है, अन्तर बाहिर विमल है जोई || २ ||
तारन - तरन जिहाज सुगुरु हैं, सब कुटुम्ब डोवै जगतोई |
‘द्यानत’ निशिदिन निरमल मन में, राखो गुरु - पद पंकज दोई || ४ ||
Artist- पं. द्यानतराय जी