দর্শন পাঠ (সংস্কৃত) | दर्शन पाठ (संस्कृत)
बांग्ला लिपि में (भाषा संस्कृत)
দর্শন পাঠ (সংস্কৃত)
দর্শনং দেবদেবস্য, দর্শনং পাপনাশনম্।
দর্শনং স্বর্গসোপানং, দর্শনং মোক্ষসাধনম্॥(১)
দর্শনেন জিনেন্দ্রাণাং, সাধূনাং বন্দনেন চ।
ন চিরং তিষ্ঠতে পাপং, ছিদ্রহস্তে য়থোদকম্॥(২)
বীতরাগ মুখং দৃষ্ট্বা, পদ্মরাগসমপ্রভম্।
জন্মজন্মকৃতং পাপং, দর্শনেন বিনশ্যতি॥(৩)
দর্শনং জিনসূর্যস্য, সংসার ধ্বান্তনাশনম্।
বোধনং চিত্তপদ্মস্য, সমস্তার্থ প্রকাশনম্॥(৪)
দর্শনং জিনচন্দ্রস্য, সদ্ধর্মামৃত বর্ষণম্।
জন্ম দাহবিনাশায়, বর্ধনং সুখবারিধেঃ॥(৫)
জীবাদিতত্ত্ব প্রতিপাদকায়, সম্যক্ত্ব মুখ্যাষ্টগুণাশ্রয়ায়।
প্রশান্তরূপায় দিগম্বরায়, দেবাধিদেবায় নমো জিনায়॥(৬)
চিদানন্দৈক রূপায়, জিনায় পরমাত্মনে।
পরমাত্মপ্রকাশায়, নিত্যং সিদ্ধাত্মনে নমঃ॥(৭)
অন্যথা শরণং নাস্তি, ত্বমেব শরণং মম।
তস্মাত্কারুণ্যভাবেন, রক্ষ রক্ষ জিনেশ্বরঃ॥(৮)
ন হি ত্রাতা ন হি ত্রাতা, ন হি ত্রাতা জগত্ত্রয়ে।
বীতরাগাত্পরো দেবো, ন ভূতো ন ভবিষ্যতি॥(৯)
জিনে ভক্তির্জিনে ভক্তির্জিনে ভক্তি র্দিনেদিনে।
সদা মেঽস্তু সদা মেঽস্তু,সদা মেঽস্তু ভবে ভবে॥(১০)
জিনধর্মবিনির্মুক্তো, মা ভবেচ্চক্রবর্ত্যপি।
স্যাচ্চেটোঽপি দরিদ্রোঽপি, জিনধর্মানুবাসিতঃ॥(১১)
জন্মজন্মকৃতং পাপং, জন্মকোটিমুপার্জিতম্।
জন্মমৃত্যুজরা রোগং, হন্যতে জিনদর্শনাত্॥(১২)
অদ্যাভবত্ সফলতা নয়ন দ্বয়স্য,
দেব ! ত্বদীয় চরণাম্বুজ বীক্ষণেন।
অদ্য ত্রিলোক তিলক ! প্রতিভাসতে মে,
সংসার বারিধিরয়ং চুলুক প্রমাণম্॥(১৩)Artist - অজ্ঞাত
हिन्दी लिपि में: दर्शन पाठ (संस्कृत) | Darshan Path (Sanskrit)
स्रोत: पूजन-पाठ-प्रदीप (सातवां संस्करण, देहली), पृष्ठ २४ से २५