भरतजी घर में ही वैरागी, वे तो अन धन सब के त्यागी॥टेक॥
कोड़ अठारह तुरंग हैं जाके, कोड़ चौरासी पागी।
लाख चौरासी गजरथ सोहे, तो भी भये नहिं रागी॥१॥
तीन करोड़ गोकुल घर सौहैं, एक करोड़ हल साजै।
नव निधि रतन चौदह घर जाके, मन वांछा सब भागी॥२॥
चार करोड़ मण नाज उठै नित, लोण लाख दश लागै।
कोड़ थाल कंचन मणि सोहैं, नाहीं भया सोई रागी॥३॥
ज्यों जल बीच कमल अन्तःपुर नहिं भये वे रागी।
भविजन होय सोइ उर धारो, सोई पुरुष बड़भागी॥४॥