पं. श्री भागचन्द्रजी कृत : ( अध्यात्मिक भजन )
ये दिन हम विवेक बिन खोये॥टेक॥
मोह वारुणी पी अनादितैं, परपदमें चिर मोये।
सुख करंड, चित पिंड, आपपद, गुन अनंत नहि जोये॥जे०॥
होय बहिर्मुख ठानि राग रुष, कर्म बीज बहु बोये।
तसु फल सुख दुख सामग्री लखि, चितमें हरषे रोये॥जे०॥
धवल ध्यान शुचि सलिलपूरतैं, आस्रव मल नहीं धोये।
परद्रव्यनिकी चाह न रोकी, विविध परिग्रह ढोये॥ जे०॥
अब निजमें निज जान नियत तहाँ, निज परिनाम समोये।
यह शिवमारग समरस सागर, भागचन्द्र हित तो ये जि०॥