महिमा जिनमतकी
( राग दीपचन्दी)
महिमा जनमत की, कोई वरन सकै बुधिवान॥टेक॥।
काल अनंत भ्रमत जिय जा बिन, पावत नहिं निज थान।
परमानन्दधाम भये तेही, तिन कीनों सरधान॥१॥
भव मरुथल में ग्रीष्मरितु रवि, तपत जीव अति प्रान।
ताको यह अति शीतल सुंदर, धारा सदन समान॥२॥
प्रथम कुमत मनमें हम भूले, कीनी नाहिं पिछान।
’ भागचन्द’ अब याको सेवत, परम पदारथ जान॥३॥
रचयिता: कविवर श्री भागचंद जी जैन
Source: आध्यात्मिक भजन संग्रह (प्रकाशक: PTST, जयपुर )
खोज: Mahima Jinmat ki Koi Varan Sake Budhivan