देख्या बीच जहान में।
कोई अजब तमासा जोर, तमासा सुपने का सा॥टेक॥
एकौं के घर मंगल गावैं, पूरी मन की आसा।
एक वियोग भरे बहु रोवैं, भरि-भरि नैन निरासा॥१॥
तेज तुरङ्गनि पै चढ़ि चलते, पहिरैं मलमल खासा।
रङ्क भये नागे अति डोलैं, ना कोइ देय दिलासा॥२॥
तरकैं राज तखत पर बैठा, था खुशवक्त खुलासा।
ठीक दुपहरी मुद्दत आई, जंगल कीना वासा॥३॥
तन धन अथिर निहायत जग में, पानी माहिं पतासा।
‘भूधर’ इनका गरब करैं जे, धिक तिनका जनमासा॥४॥
Artist : कविवर पं. भूधरदास जी
खोज: Dekhya bich jahan me